По натпреварот со Естонија, селекторот на женската сениорска репрезентација на Македонија, Виктор Петровски, истакна дека националниот тим минува низ процес на создавање нова селекција, во кој особено е изразена генерациската промена и вклучувањето на поголем број млади кошаркарки. Без оглед на резултатот, Петровски ги потенцираше карактерот, борбеноста и пожртвуваноста на кошаркарките, како и нивниот однос кон репрезентативниот дрес. Според него, токму овие вредности се од особена важност во периодот на градење на новиот тим.