ЈП ЖРСМ Инфраструктура – Скопје презема серија активности во насока на надминување на состојбите и спроведување на дадените препораки во извештајот на Државниот завод за ревизија за 2024 година, при што потенцира дека наодите од ревизијата се однесуваат на посочената година и оти опфаќаат повеќе сегменти од работењето на претпријатието, меѓу кои управувањето со имотот, реализацијата на инфраструктурните проекти, финансиското и материјалното работење, како и организациските и кадровските прашања. Добар дел од утврдените состојби се долгогодишни, а некои од нив се наталожувале со децении. Особено станува збор за имотноправни прашања, кадровски предизвици и административни постапки, чие надминување бара континуирана работа, стручен кадар, време и соработка со надлежните институции.