Гувернерот на Калифорнија, Гевин Њусом, во четвртокот објави дека ќе ги преиначи смртните казни на сите 548 осуденици во оваа американска сојузна држава со доживотен затвор без можност за помилување или условно ослободување, повикувајќи се на принципот на „човечкото достоинство“. „Ја донесувам оваа одлука затоа што цврсто верувам дека одземањето живот од страна на државата е неспоиво со вредностите на Калифорнија, ги поткопува темелите на нашиот правосуден систем и нè понижува сите нас“, напиша тој во писмо до жителите на Калифорнија. Гевин Њусом, чија можна претседателска кандидатура во 2028 година веќе долго време се споменува во политичките кругови, воведе мораториум на егзекуциите кратко по преземањето на функцијата во 2019 година.