Претседателката на Основниот кривичен суд во Скопје, Даниела Димовска, професионално е бескомпромисна кога правдата е во прашање, решителна работите да се променат на подобро, борбена во битката да не дозволи судот да биде место каде што ќе се реализираат туѓи сценарија. Приватно е посветената мајка на Илина, со која откако завршија тестовите за ова тромесечие, заедно прават цимет ролнички и пита со јаболка во кујна. Во викенд интервју за КУРИР, со Димовска зборуваме за тоа како кај граѓаните ќе се врати довербата во правдата, кои се нејзините заложби на функцијата, како ќе докаже дека никој не е над законот, но и за омилената улога која ја има во својот живот - сопруга, мајка и тетка.
